點解敷面膜，敷到粒粒越生越多？

有d朋友明明好勤力敷面膜，每晚都敷，仲可以敷多過一種面膜，點解反而會開始生粒粒，甚至有過敏既癥狀？

唔想塊面好似幅圖咁，解決方法只有四個字：適可而止！

皮膚本身就已經有天然屏障幫助鎖水，而呢個天然屜障其實係護膚品都唔可以取代既。屏障既鎖水能力令肌膚保持水潤，亦都平衡油水，但吸水過多就會令到細胞膨脹，細胞同細胞中間既連結就會變鬆變弱，即係我地所講既「過度水合」。

當你敷太多或者每次敷既時候太長，皮膚入面既保濕因子就會不停吸水，最多可以吸到變成原本體積既5倍！過度脹大既因子會變得不健康，令原本結構不再牢固，令到外部有害物質容易浸入皮膚內部，而呢d結構既破壞亦都會令炎症因子釋放，發炎就會發生！

水份會將屏障破壞，從而令皮膚受損，出現過敏或粒粒。

生粒粒和屏障受損就係過度水合既癥狀。粒粒係毛囊皮脂腺導管過度水合後膨脹堵塞，最終形成皮膚疹，這時如果皮脂分泌過旺，還會加劇皮膚疹的病情。而皮膚屏障受損，則是因為皮膚角質層受過度水合的影響快速流失，但在這時新的角質層又還沒形成，進而導致皮膚變薄出現敏感度上升的現象。

記得記得記得，呢d情況生粒粒，千祈唔好用A酸去解決，因為咁樣會刺激皮膚，情況會越黎越嚴重！

唔好以為面膜敷得越耐越好，無論包裝同你講敷幾多分鐘都好，應該以皮膚5-10分鐘吸收為準，再講，如果超過10分鐘先吸晒，其實都唔係好既護膚品！

如果真係咁不幸，比人誤導左，日日都敷面膜，又敷得長時候，搞到又生粒粒又開始過敏，咁可以點算呢？

一，等角質層修復，角質層代大概28日，等新既角質層生返出黎，就可以慢慢修復皮膚狀況

二，繼續補水，毛孔閉塞左會令皮膚摸落好粗，但係呢d係必經過程。但係補水一定要繼續，唔好令油水失衡嚴重落去（記得係適度補水呀）

三，皮膚慢慢好轉，就可以慢慢敷返唔同類型既面膜，但係都要根據返康復既情況而使用唔同面膜，唔可以一概而論

總而言之，養膚護膚要記得：適可而止

同食野一樣，多吃壞肚皮！

-完-